| [1] |
22. 31.05.2010 7:17 Jarek
| witam wszystkich, mieszkam aktualnie i od 37lat w gliwicach, gdyby ktoś chciał jakiś informacji to jestem do dyspozycji. |
21. 14.04.2007 2:13 stula Pyjter
| Ahoj! Ciesza sie ze tako fajno strona jo otkryl.Czy je tukej wtos wto mi pomoze odnalesc moje korzynie na slonsku? Opa podobno rodzina mjol w Dabie obok Katowic jo jego njy poznol a moj ojciec jak mjol 9 lot to mu ojciec zmarl podobno! No wszysko na tymat Stula by mje bardzo interesowalo,dzieki i servus! |
20. 24.08.2005 4:22 Erwin Rzepka
| Pozdrowiom wszystkich z Gliwic, szczegolnie ze Zernicy, wszystkich starych znajomych. Rowniez tych co skonczyli Technikum Gornicze w Zabrzu klasa 5 A w 1962. Zycza wszystkim rodakom z Gornego Slaska wszystkiego najlepszego z Kanady. Erwin Rzepka Vancouver, British Columbia, Canada |
19. 09.02.2005 0:23 Sofie
| Fajna strona, mi sie podoba. Pozdrowienia dla slazakow. |
18. 16.01.2005 17:05 Sibylle
| Ein Gruß aus Deutschland.Die Seite ist einfach super .Hatte mich gefreut hier ein Bild von der Löschstrassse zu finden,aber leider wird das Bild nicht dargestellt.  Wäre eine tolle Überraschung zum 81.Geburtstag meiner Mutter gewesen.Sie wurde am 25.1.1924 in Gleiwitz geboren.Suche Bilder auch von der Jahnstrasse und Kreuzstrasse.Kann mir jemand bei den drei Strassen weiter helfen.Wäre echt nett  |
17. 23.08.2003 8:41 ballest
| Szwager alias Gizd, za to ze se tela czasu znac nie dou, bydzie skozany na 3 dni skokaniou z tymi trzyma dioboukami przed Haus-Oberschlesien! Kazdy Glywiczok jest zobowionzany mu pora groszy do huta wciepnonc, zeby boroczek po tych trzech dniach mog se zarozinki ciepuego Tichauera napic!  |
16. 27.04.2003 20:47 Szwager
| A niych se niymyslom te kere kole Glywic miyszkajom ize na nich niyma kary - tysz je! Ta Hoska o keryj 'ech sam juz szkryflou to boua procesowano we Czekanowie. Ona, Hoska, kobiyta od Andreasa, wyloua jakes pieronstwo kole wrotow od somsioda i porobioua kolorowe szlajfki na ogonach od odniego krowow i wieprzkow. To wszysko wypaplaua potym na torturach, a paplaua tam jak Piekarski na mynkach. Bezto odniyj gowa sie pokulaua po ziymi 12 czerwca Roku Panskego 1597. Kej indziyj, bo we Roku Panskim 1610, sond naszego grodu Glywice wydou wyrok na nadzorycy, kerymu bouo Jan, a kery bou ze Szauszy, i kery odniego podwuadno Dorota tak skatowou, ize boua couko poraniono i na koniec sie pomaruo kobiycie. Tego Jana powiesiyli we dniu 26-go augusta tego samego, 1610 roku. Jak widac i ze takich wsiow jko do przikuadu Szausza byli i som ludzie bez Glywicki sond karane, nawet jak mo to byc konsek dalyj bo we Czekanowie. No to dowejcie obacht ...! |
15. 06.04.2003 12:44 Szwager
| Ku przestrodze do heksow kere jeszcze dzisiej zyjom i probujom i odnich sztuczkow i czarow przipomino szkryflorz sondu grodu Glywice co nasze miasto ze heksami robi! We Roku Panskim 1597 uawniki ze grodow Glywice, Pyskowice i Toszek przesuchali krotko przed Zielonymi Swiyntoma heksa, keryj bouo Hoska . A ize richtik heksom boua to jom zaro potym posuali do kata, kery czi razy ta pierona torturowou aze sie prziznaua do czarow. Potym juz ino jyj gowa uciyli i tela. Tysz we roku 1624 boua ekzekucyjo heksow. Wiyzli je nasze praoupy na wozie bez Glywice na plac kaj cza bouo je spolic na matnych fojerkach, coby couke zue ze nich sie straciouo z tego swiata. Pouno bouo we tyn czas ludziskow, kere to widziec chcieli, i kej o oznaczonyj godzinie na drabinioku te heksy - a bouy to aze cztyry pieronske czarcice - wiyzli , to wszyske ludzie tym pieronom zuorzeczyli i ruy im niydowali. Potym zapolouy sie cztyry sroge fojerki do kupy ze tymi cerami od Belzebuba. |
14. 25.02.2003 23:17 Temida
| Szwager vulgo Pieron vulgo Gizd vulgo Maszkytnik vulgo Flyjtuch vulgo Lebioga Labyndzko vulgo Slimok vulgo Przichlast et caetera et caetera Jesli ktos sie ukrywa pod tyloma nazwaniami - musi miec cos na sumieniu, juz on sam najlepiej wie co - za kare ma raz w miesiacu pisac "godke" o ciekawych miejscach i wydarzeniach z grodem Gliwice zwiazanych i wysylac ja do tego lochu gdzie siedzi Margotka |
13. 25.02.2003 20:09 Szwager
| Beno Ogromnych sie wybrykow osoba ta dopuscioua! Przesmiywou sie i wysmiywou niyroz z poczciwych mieszczan naszego grodu i okolic. Wice nawet szkryflou i bezwstydne piosynki o naszym Grodzie i jego mieszczanach rozsiywou. Majestat nosz zwraco uwaga ize tyn sam Beno uzywou we swoich eskapadach nigodziwych tysz i miana Hanys_Hans. Tym wiynkszo je odniego wina i tysz bezto pieronym straszno musi byc odniego kara. Najpiyrw spodziywomay sie skruchy i pokuty a potym na odniego barki dowomy tako sztrafa: Codziynnie mo dbac o naszo ksiynga i codziynnie jom pucowac ze kurzu, bylejakich flyjow i pieronstw kere do niyj nawuazom! Sond je krotki ale ostateczny. Odwouywac sie tyn sam Beno niymo co, ani tysz co probowac prosic o zlitowanie. A sproboje tego to sond grodu Glywice przikoze niywiascie od odniego go prziwachowac i tak dugo go mynczarniami mauzynskimi drynczyc aze oddo sie korze kero nasz majestat mu wymierzou. Tak mo sie stac od zaroz! Glywicke Slonzóki |
12. 25.02.2003 19:34 Szwager
| Staflik Staflik brat Spagetki zostowo skozany na osadzynie we wiezy i na dozywotnie szkryflanie- tuplikowanie tekstow ze szprachy niymieckyj na mowa polsko. Talynt jaki mu od Ponboczka je dany wykorzystywou do tyj pory niy ino tak jak by to nasze wielke i suawne miasto chciauo. Bezto kara tako a niy inkszo na niego gowa sleciaua. We tyj samotni(wiezy) bydzie osadzony jak go ino nasze straze rozpozajom i chycom. Kara kero go spotkaua wydowo sie pieronym leko, bezto se jeszcze sond grodu Glywice przi nojblzszym posiedzyni roz dopozondku przemysli tyn wyrok. Po tyn jak juz Staflik chycony bydzie, nowy wyrok bydzie tysz jeszcze roz ozeczony i sam mieszczanom naszego grodu do wiadomosci dany. Glywicke Slonzoki |
11. 25.02.2003 19:08 Szwager
| Hrabia Ballestrem Tukej cza nom skorzystac ze mocy coukego naszego majestatu coby kara boua adykwatno do winy. Grod Glywice postanawio ukarac mynza tego karom wiecznyj daniny na rzecz Glywic. Danina ta mo skuadac sie ze jednego piyknego tekstu na stronach naszyj ksiyngi. Stoc mo tam couko geszichta rodu Ballestrymow i ich powionzania ze Glywicami. Kara tak surowo ustanowiouo nasz majestat w zwionzku z licznymi przipadkoma buty tego mynza w stosunku niy ino do niywiast naszego miasta ale i coukego stanu szlachetnych mieszczan grodu Glywice. Wyrok moge jeszcze byc oddalony ale ino w skutek appelacji wyzszych instancji i za zgodom rajcow grodu Glywice. Wszelake prziwileje szlachecke jednak zostajom sie narazie nadal przi tym mynzu i jego mianu. Termin egzekucji ustanawio sie na dziyn 31IV A.D. 2003. Na tyn przipadek, co oskarzony skruchy niy okoze i karze naszyj sie niy poddo, bydzie nowy sond ozeczony we stosownym terminie. Glywicke Slonzok |
10. 25.02.2003 17:56 Szwager
| Margotka Niywiasta kero mo ta czelnosc przeciwstawiac sie chopom i byc od nich mondrzejszo i szprytniejszo. O take cos juz dawno miasto Glywice wyroku niydowauo. To je i dzisiej karane karom jednom z nojsurowszych. Pozatym cza zaznaczyc ize skruchy u niyj niyidzie merknonc. Staraua sie nawet nosz majestat zniywazyc bojkotym stowiynia sie przed naszym obliczym. Sond starego grodu Glywice skozuje jom na wieczne mynki w lochach glywicky wiedzy. Niych jom mynczy pragniynie i guod wszyskego co mo ze Glywicami choby ino aby konsek cosik spolnego . Kara je do wykonania od zaroz ! Odwouania od wyroku niyma i niybydzie! Glywicke Slonzoki |
9. 25.02.2003 17:43 Szwager
| Piyknie witom wszyskich Glywiczokow kerym niyma ganby nic a nic! Widza ize szyske Glywiczoki bez grzychow som . Zodyn niymo sam co do szkryfniyncia. Dobra samescie tego chcieli, jo se byda o wos som sondy sam szkryflou. |
8. 16.02.2003 12:33 Glywicke S'loonzoki | Na podstawie szesnstowiecznyj ksionzki protokouow sondowych miasta Glywic, szkryfniyntyj bez syndziego miejskego Wawrzynca Stefetiusa, po czesku , oprawiono w czorno skora, bezto ta nazwa „czorno ksiynga“ |
7. 16.02.2003 12:33 Glywicke S'loonzoki | Pani na Dymbiynsku Wielkim na wschod od Glywic, Katarzyna Czornberg von Gallowitz, oskarzo Dorota Swaczkowo, odniyj poddano, o czary. Uawniki – Marcin Grzonka i Wincynty Kaliwoda ze Glywic, Jan Ranny i Grzegorz Hendziouek ze Zor i tysz Stanisuaw Dzwigiel i Jan Straka ze Rybnika, skazujom oskarzono na couko surowosc prawa, w tym przipadku na tortury. A bouo to we roku 1583. |
6. 16.02.2003 12:33 Glywicke S'loonzoki | We roku 1590 biydny Szymon Bolek, oskarzony bez swoja pani Ana Blaszonka-Blacha, o wiarouomstwo, a to znaczy o pogwaucynie szostego przikazania, czyli o to ize uciyk od odniego kobiyty ze jednom dziouchom, keryj bouoZofia, powieszony bydzie na szubiynicy. |
5. 16.02.2003 12:32 Glywicke S'loonzoki | We roku 1592 pobiyli sie Szymon Jeszko ze Gierautowic i Piotr Suabon ze Trynku, glywicki sond miejski zarzondziou, coby oba sie przeprosiyli. |
4. 16.02.2003 12:32 Glywicke S'loonzoki | Stefan Rzepka oskarzou we roku 1596 o czary Ewa Bautyk, kobiyta od Walyntego. Sond pedziou co bezto co Stefan Rzepka niymo swiadkow, to Ewa Bautyk musi przisiyngnonc , co niyma heksa i nigdy sie czarami niy zmarasioua. |
3. 16.02.2003 12:31 Glywicke S'loonzoki | Jakub Kochanek zabiou burmistrza ze Woznik, kerymu bouo Walynty Czaja. Przed sondym we roku 1597 Jakub Kochanek pedziou ize zabiou burmistrza bez litosci, bezto sond skozou go na sciyncie. |
2. 16.02.2003 12:31 Glywicke S'loonzoki | Marcin Szyduo, oskarzonyaze bez dwoch panow cuzamyn, Gierautowskego i i Oppersdorffa, o to ze ukrod dwa miechy owsa. Czi razy go torturowali a on durch godou ize ukrod bo chciou se za tyn owies kupic chlyb. Na koniec pedziou ize chce umrzec, tak tysz go powiesili. |
1. 16.02.2003 12:30 Glywicke S'loonzoki | A tera je juz czas na wasze wyroki. Proszymy sam ino o niy za surowe kary! |
| [1] |
| Text: | |||||||||
| | ||||||||||
| ||||||||||
| Hilfe | ||||||||||
Guestbooks @ NetGuestbook.com